Atentu: ĉi tiu paĝo ne plu estas aktualigata.
Bonvolu viziti nian novan retejon en www.liberafolio.org
Lasta ĝisdatigo: 30.3.2004
Kandidatoj por B-komitataneco:
Wu Guojiang volas ke komitatanoj raportu
Wu Guojiang estas B-komitatano kaj respondeculo pri la ĝemelurba agado de UEA. Li proponas, ke ĉiuj estraranoj de UEA laŭvice deĵoru dum iu periodo en la Centra Oficejo. Por aktivigi la komitatanojn, li opinias, ke ĉiuj komitatanoj ricevu konkretajn taskojn kaj raportu pri siaj sukcesoj en la laboro. Se petita, li konsentus partopreni en la nova estraro de UEA, elektota en Pekino.
Wu Guojiang naskiĝis en 1965 kaj loĝas en la urbo Fushun en la nordorienta parto de Ĉinio. Li laboras kiel inĝeniero en esplor-instituto. Esperanton li lernis en 1984, kiam li aliĝis al kurso de la ”monda lingvo”, kiel Esperanto nomiĝas en la ĉina, kredante ke temas pri la angla.
- Tamen enirinte en la kurson mi trovis, ke ĝi ne estis pri la angla lingvo. Dum la lernado mi pli forte interesiĝis pri tiu ĉi lingvo, li rakontas.
Legu pli
Hieraŭ finiĝis la eŭropa monkolekta turneo de Flavio Rebello, la iniciatinto de la retejo Ĝangalo kaj de nova projekto, celanta al fondo de esperantlingva reta televidstacio kun la nomo ITV, Internacia Televido.
La prezidanto de UEA, Renato Corsetti, en vortoj subtenis la projekton, kvankam UEA donas nenian realan subtenon al ĝi. Aliaj forte dubas, ĉu ekzistas sufiĉa kvanto da entuziasmaj televidemuloj esperantistaj kun rapida ret-ligo por ke reklamantoj interesiĝu, kaj ĉu eblos produkti spektindan enhavon kun la necese tre limigitaj financaj rimedoj. Nia aŭtoro Jens S. Larsen aŭskultis s-ron Rebello en Kopenhago.
Legu pli
Nia aŭtoro Maria sandelin trovas, ke tro multaj esperantistoj rigardas la mondon tra verdaj okulvitroj. Ŝi proponas foje provi aliajn okulvitrojn, por pli bone vidi la ĉirkaŭaĵon.
”Multegaj homoj havas nigrablankajn okulvitrojn, aliaj rozkolorajn. Inter esperantistoj verdaj okulvitroj estas tre popularaj. Se la okulvitroj estas sufiĉe verdaj, oni juĝas aliajn homojn kaj iliajn agojn aŭ mankojn de agoj laŭ la verda difino. Precipe aliaj esperantistoj devas ja kompreneble tiam esti tre verdaj por ricevi la plej altan poenton.
Vera sektisto parolas kiel la viro kiu reagis kun miro al la anonco de Libera folio pri la Literatura Nobelpremio de J.M. Coetzee. La verdulo demandis: kiel esperanta gazeto povas reklami anglalingvan literaturon? Tiu viro evidente havas tiel verdajn okulvitrojn ke li prefere forprenu ilin tuj, se li entute volas vidi ion esencan dum la resto de sia vivo. ”, ŝi skribas. Legu pli
Pasis dek tagoj post la detruaj eksplodoj en Madrido. Lige kun tio ni publikigas pensojn de Gonçalo Neves pri la naturo de la homo.
”Jes, oni ploras kaj ĝemas, sed tamen oni ial ŝatas sangon. Se la ploroj kaj ĝemoj estas sinceraj – kaj mi kredas, ke ili estas tiaj – ni jam troviĝas en la regiono de sadomasoĥismo, rande de deliro, sojle de frenezulejo, kio ŝajne la mondo iom post iom fariĝas, sub pluraj tavoloj da pudro kaj ŝminko”, skribas Gonçalo Neves. Legu pli
2.3.2004
Elekto de B-komitatanoj
Rekordaj 16 kandidatoj por 6
lokoj
Libera Folio jam antaŭ UEA
mem povas publikigi la oficialan liston de kandidatoj
en la elekto de komitatanoj B. La liston ni ricevis
de Trevor Steele. Inter la kandidatoj estas du nunaj
estraranoj de UEA, antaŭa Konstanta Kongresa
Sekretario, antaŭa redaktoro de revuo Esperanto,
kaj pluraj antaŭaj kaj nunaj aktivuloj de TEJO.
El la 16 kandidatoj nur du estas virinoj. Sep el la
kandidatoj loĝas ekster Eŭropo.
Laŭ
informoj donitaj de ĝenerala direktoro Trevor
Steele ne klaras, kiom da kandidatoj la Centra
Oficejo de UEA ricevis ĝis la 28-a de februaro.
Tamen Trevor Steele marde oficiale konfirmis, ke
estas 16 validaj kandidatiĝoj, kaj listigis la
nomojn de tiuj kandidatoj, kiuj sukcesis kolekti la
postulatajn de subtenajn leterojn.
Validaj kandidatiĝoj laŭ oficiala
informo donita de Trevor Steele al Libera
Folio marde vespere estas tiuj de Yves
Bellefeuille, Marija Belošević, Philippe
Chavignon, Choi Yun-huy (Hortensio), István
Ertl, Slavik Ivanov, Lee Chong-Yeong, Hokan Lundberg,
Diccon Masterman, Ivo Osibov, Jukka Pietiläinen,
François Simonnet, Chuck Smith, José
Antonio Vergara, Amri Wandel kaj Wu Guojiang.
Estas do 16 validaj kandidatiĝoj por la ses
lokoj de komitatanoj B, unu pli ol en la rekorda jaro
1998 kiam 15 kandidatoj konkuris pri ok lokoj.
Unuafoje dum multaj jaroj estas pli ol duoble tiom da
kandidatoj kiom da vakaj lokoj.
Kvar el la nunaj sep komitatanoj B
kuraĝas mezuri sian popularecon per rekta
prijuĝo de la membraro. La plej konata inter ili
estas la korea ekonomikisto Lee Chong-Yeong, kiu
estis prezidanto de UEA en 1995-98 kaj estrarano
denove ekde 2001. Preta por nova mandato estas
ankaŭ Amri Wandel el Israelo, kiu supozeble
disponeblas ankaŭ por la estraro.
Krom pri Lee, la individuaj membroj povos
esprimiĝi nur pri unu alia membro de la nuna
estraro, nome la ĝenerala sekretario Ivo
Osibov.
Post
tridek jaroj kiel la peranto de UEA en Portugalio,
António da Silva Almeida proteste kontraŭ
misadministrado en la Centra Oficejo forlasas
ĉiujn postenojn en UEA kaj eksiĝas kiel
membro.
Multaj aliaj portugaloj konsideras ne realiĝi
por 2004, rakontas la vicprezidanto de Portugala
Esperanto-Asocio. "Malfacilas ne ligi tiun ĉi
protestan demision al tiuj okazintaj de post la
Zagreba Universala Kongreso, ironie kiam
reposteniĝas la unua el tiuj forlasintoj",
skribas la gazeto de Portugala Esperanto-Asocio.
Legu pli
23.2.2004
Diplomatio
Tajvano reaperis, flagoj vekas pasiojn
Same
kiel UN, ankaŭ UEA malfacile povas kontentigi
ĉiujn. Kiam esperantistoj el kontinenta
Ĉinio plendis pri la mencio pri Tajvano kiel
aparta lando en la oficiala retejo de UEA, la estraro
de UEA unue reagis senkomprene, sed poste decidis
provizore forigi ĉiun mencion de Tajvano en la
retejo. Tio tamen vekis fortajn reagojn inter
eksterlandanoj, eĉ se tajvananoj silentas. La
23-an de februaro Tajvano reaperis en la retejo, sed
sen flago. Legu pli
La financa situacio de la
asocio estas malfacila, kaj neniaj novaj dungoj
aktualas en la Centra Oficejo, opinias la ĵus
elektita ĝenerala direktoro de UEA.
Laŭ Osmo
Buller necesas restarigi ekvilibron inter kostoj kaj
rimedoj per singarda politiko. ”Mia preteco
reveni unuavice signifas deziron servi asocion, kiu
estas kara al mi ekde mia membriĝo antaŭ 35
jaroj”, diras Osmo Buller en nia intervjuo.
Ankaŭ la amaskomunikiloj en Finnlando kaj Svedio
rimarkis la elekton de nova ĝenerala direktoro
de UEA.
- Necesas recertigi kaj evoluigi la servojn de UEA
kaj ekigi novajn, ĉar ili firmigas la asocion
krom finance ankaŭ organize. Mi ne konsentas, ke
UEA bazu sian ekonomion je subvencioj de ekstere. Nia
fundamento ankaŭ ĉi-rilate estu la membraro
kaj esperantistoj ĝenerale, sed ja ni aldone
serĉu ankaŭ subvenciojn pli aktive, opinias
Buller.
Nia aŭtoro
Jardar Eggesbø Abrahamsen demandas al si,
ĉu altrudi al homoj Esperanton estas esprimo de
lingva libereco, kaj ĉu Esperanto restus
neŭtrala, se ĝi iĝus oficiala lingvo
de la Eŭropa Unio.
"Nu, se oni enkondukus Esperanton desupre laŭ
decidoj en EU, ankaŭ Esperanto fariĝus tia
altrudita lingvo, ĉu ne? Kaj oni suspektu ke
ankaŭ Esperanto havus la saman detruan efekton
al lokaj lingvoj kaj kulturoj: Ja en Esperantio
evoluis propra kulturo, kaj esperantistoj jam
prunteprenas Esperantajn vortojn en siajn gepatrajn
lingvojn.", diras Jardar Eggesbø Abrahamsen.
Legu pli
La redakcio de Libera folio strebas
sobre kaj kritike prilumi aktualajn evoluojn en
la Esperanto-movado. Libera folio estis
fondita de István Ertl kaj Kalle
Kniivilä la 12-an de aprilo 2003. Ĝin redaktas Kalle Kniivilä.
Se nenio alia estas indikita ĉe la
koncerna artikolo, tekstoj el Libera
Folio estas libere represeblaj,
kondiĉe ke la fonto estas indikita.
Wu Guojiang naskiĝis en 1965 kaj loĝas en la urbo Fushun en la nordorienta parto de Ĉinio. Li laboras kiel inĝeniero en esplor-instituto. Esperanton li lernis en 1984, kiam li aliĝis al kurso de la ”monda lingvo”, kiel Esperanto nomiĝas en la ĉina, kredante ke temas pri la angla.
La prezidanto de UEA, Renato Corsetti, en vortoj subtenis la projekton, kvankam UEA donas nenian realan subtenon al ĝi. Aliaj forte dubas, ĉu ekzistas sufiĉa kvanto da entuziasmaj televidemuloj esperantistaj kun rapida ret-ligo por ke reklamantoj interesiĝu, kaj ĉu eblos produkti spektindan enhavon kun la necese tre limigitaj financaj rimedoj. Nia aŭtoro Jens S. Larsen aŭskultis s-ron Rebello en Kopenhago.
Laŭ Osmo
Buller necesas restarigi ekvilibron inter kostoj kaj
rimedoj per singarda politiko. ”Mia preteco
reveni unuavice signifas deziron servi asocion, kiu
estas kara al mi ekde mia membriĝo antaŭ 35
jaroj”, diras Osmo Buller en nia intervjuo.
Ankaŭ la amaskomunikiloj en Finnlando kaj Svedio
rimarkis la elekton de nova ĝenerala direktoro
de UEA.
Nia aŭtoro
Jardar Eggesbø Abrahamsen demandas al si,
ĉu altrudi al homoj Esperanton estas esprimo de
lingva libereco, kaj ĉu Esperanto restus
neŭtrala, se ĝi iĝus oficiala lingvo
de la Eŭropa Unio.
